LAOAG CITY – Nasugatan ti gurong ti maysa a baket kalpasan a sinakbab ti pating idiay Big Island, Hawaii.
Iti report ni Bombo International News Correspondent Manny Pascua idiay Hawaii, ti biktima ket agtawen ti 70 ken dagus a naitaray iti North Hawaii Community Hospital.
Basar iti report ti Fire Department iti nasao a lugar, ti biktima ket manarimaan ti panaglangoy na iti baybay idi sinakbab ti pating nga agatiddog ti walo a kadapan.
Naamoan nga iti laksid a nakagat ti kurong ti biktima ket kinabaelan na ti naglangoy nga agpaigid tapno agpatulong.
