LAOAG CITY – Natay ti maysa a balasang kalpasan nadungpar ti maysa nga Hyundai Mighty Dropside Truck iti paset ti Rizal St. Barangay 21 ti nasao a ciudad.
Nabigbig ti biktima a ni Keziah Grace Suatin Asuncion, agtawen iti 21, balasang ken residente met laeng ti nasao a barangay idinto a ti driver ti truck ket ni Kevin Mhar Domingo Ancheta, agtawen iti 28, baro ken residente iti Barangay 46, Nalbo ditoy ciudad.
Iti imbestigasyon, bayat ti panagpapalaud a direksyon ni Asuncion a nakalugan ti bisekleta ket adda ti liniklikan na a maysa a lugan a nangitunda ti pannakadungpar na babaen ti sumarsaruno kenkuana a truck.
Naitaray ti biktima iti Governor Roque Ablan Senior Memorial Hospital ditoy ciudad ti Laoag ngem pimmusay bayat a maag-agasan gapu ti sinagaba na a nakana a sugat iti ulo na.
