LAOAG CITY – Natay ti maysa nga agtawen 17 a balasitang gapu iti maipagarup a sakit a dengue iti Brgy. Aglipay iti ciudad ti Batac idi Agosto 29.
Segun kenni Mrs. Wilma Icuspit, ina ti biktima, severe dengue iti sinagaba ti anak na bayat a maag-agasan iti opsital.
Inbatad na a naopera pay iti puso ti anak na iti bulan ti Hunyo.
Mainaig iti daytoy, mamati ni Brgy. Kagawad Aida Tutaan a saan nga iti barangay da ti naggapoan ti lamok a carrier ti dengue a mapapati a rason ti pannakatay ti balasitang gapu ta naiget iti panagdaldalos da iti barangay da.
