LAOAG CITY – Nablo ti akin kannawan nga ima ti maysa a babai kalpasan ti napasamak a desgraya iti national highway bisinidad ti Brgy. Lanao iti ili ti Bangui.
Basar iti imbestigasyon ti PNP-Bangui, aggapo iti dalan a sumrek iti ili ti Dumalneg ti motorsiklo nga inturong ti agtawen ti 18 a balasitang idi ta kellaat a simmulpot ti maysa met laeng a motorsiklo nga inturong ti lalaki nga agtawen ti 22 ken residente iti Brgy. San Lorenzo iti ili ti Bangui.
Gapu iti daytoy, nagsinnabat ti dua a behikulo rason a natumba dagitoy.
Nablo ti akin-kannawan nga ima ti babai idinto a sakit ti bagbagi ti angalen ti naglugan iti nakadinnungpar na a motorsiklo.
Naamoan a saan a naantisiparan ti babai ti motorsiklo a sumungad kabayatan ti iseserrek na iti national highway gapu iti truck a nakaparking iti nasao a kalsada.
Rumrumuar a ti nasao a lugar ti dropping point kadagiti sumrek ken rumuar iti ili ti Dumalneg.