LAOAG CITY – Naminpinsan a dimmapo ti maysa a balay kalpasan a nauram iti Sitio Nagbutuan, Barangay Fortuna iti ili ti Marcos.
Daytoy ti inpakaammo ni Senior Fire Officer 4 Emelyn Mangaoil, ti Acting municipal Firemarshall iti ili ti Marcos.
Segun ken ni Mangaoil, naawat da iti report iti oras ti alas otso kwarenta y singko ti bigat manipod iti karruba ni Mr. Romeo Tamayo, ti agtagikua ti nauram a balay.
Kuna na a dagus a nagresponde dagiti kameng ti Bureau of fire protection iti ili ti Marcos ngem dakkelen ti apoy idi makadanun da.
Inlawlawag na a naaramid iti lights materials ti balay rason nga alisto a nagkayamkam ti apoy.
Inpakaammo ni Mangaoil nga awan dagiti bumalay idi napasamak ti uram gapu ta napan da amin iti taltalon.
Kuna pay ni Mangaoil nga awan pulos ti nasalbar a kagamitan ti pamilya Tamayo.
Mapatta-patta nga umabot iti 50 ribo a pisos ti inisyal a balor dagiti nadadael iti pannakauram ti nasao a balay.
Iti agdama, agtultuloy ti imbestigasyon ti Bureau of Fire Protection tapno maamoan no ania ti nangrugyan ti apoy.
