LAOAG CITY – Kinumpirmaran ni Police Col. Randy Baoit, Deputy Provincial Director for Operations iti INPPO nga agtultuloy ti panagimbestigar ti PNP-Pagudpud mainaig iti nakalibas a balod.
Binigbig ni Baoit ti naglibas a balod a ni Richard Tabillas a residente iti Barangay Pancian iti ili ti Pagudpud.
Ummuna iti daytoy, ni Tabillas ket nakaswan ti Presidential Decree 705 wenno ti Illegal Logging ken RA 9175 wenno Chainsaw Act.
Mainaig iti daytoy, kuna ni Baoit nga iti oras ti alas-nuebe ti bigat ti Domingo ket inayaban dagiti pulis iti ili ti Pagudpud a mangan ni Tabillas ngem iti umal-aldawen ket saan dan a nakita daytoy.
Agtultuloy met ti manhunt operation dagiti kameng ti PNP-Pagudpud para iti pannakabirok kenni Tabillas ken iti biang ti INPPO ket ad-adalen da no adda ti maipila a kaso administratibo kadagiti pulis kangrunaan na iti chief of police iti nasao nga ili.
