LAOAG CITY – Naiserbi ti warrant of arrest kontra iti maysa nga akusado nga agdama a nakabalud iti Bureau of Jail Management and Penology (BJMP) ditoy ciudad ti Laoag.
Ti akusado ket agtawen ti 19, taga Brgy. 27 iti ili ti Pasuquin.
Basar iti Philippine National Police ditoy ciudad ti Laoag, ti warrant of arrest a naiserbi kontra iti nasao nga akusado ket gapu iti kaso na a theft, ken narekomendaran ti 6 a ribo a pisos a piyansa na.
Maipalagip nga immunan a natiliw ti akusado babaen iti naiyuswat nga anti-illegal drug buy-bust operation ditoy ciudad ti Laoag idi 2024.
Naamoan a ti nasao nga akusado ket adda payen dagiti immuna a pannakaireklamo na gapu iti panagtatakaw ditoy ciudad iti napalabas a tawen.
