LAOAG CITY – Naatake ti maysa a balud iti Ilocos Norte Provincial Jail iti napalabas a bulan gapu iti kinabara ti panawen.
Segun ken ni Jail Warden Edietor Guiang iti Ilocos Norte Provincial Jail, ti nasao a balud ket nagpaot ti dua a lawas iti Intensive Care Unit iti maysa nga ospital ditoy probinsya.
Inlawlawag ni Guiang a naparalisado ti kagudua ti bagi ti balud ngem inpasingked na nga stable daytoy ken as-asikaswen dagiti pada na a balud.
Innayon na a ti mangmasmasahe iti balud ket dagiti metlaeng kakadwa na iti pagbaludan.
Inpakaammo ni Guiang a ti balud ket sumangsango ti kaso a panaglabsing ti Republic Act 9165 wenno Comprehensive Dangerous Drugs Act of 2002.
