LAOAG CITY – Nadiskubre ti bangkay ti lalaki nga agtatapaw iti maysa a piskarya iti Brgy. 7, Alejo Malasig, Vintar, Ilocos Norte.
Segun kenni Police Major Arnel Tabaog, ti chief of police ti PNP-Vintar, ti biktima ket ni George Alcones y Gailawan, agtawen ti 43, awanan ti asawa, caretaker ti Tolentino’s farm ken residente iti Brgy .37, Calayab ditoy ciudad ti Laoag.
Segun kenni Tabaog, itay 9:30 iti bigat ket nagreport kadakuda ti agnagan ti Efren Domingo y Asuncion, agtawen ti 50, awanan ti asawa, construction worker ken residente iti Brgy. 43, Cavit ditoy ciudad gapo iti insidente ti pannakalmes iti piskarya iti Tolentinos farm iti Brgy 7, Vintar.
Inbatad na nga iti inisyal nga imbestigasyon da, ti biktima ket naudi a nakita iti rabii Hulyo 27, 2021 kalpasan ti panaggi-inum da kadagiti kakadua na iti nasao a farm.
Kunana nga itay bigat ket nakita ti agnagan ti Mark Noel y Bumanglag, agtawen ti 30, awanan ti asawa, contruction worker ti agtatapaw a bangkay ti biktima.
Dagus met a nagresponde dagiti kameng ti pulisya iti nasao nga ili ken inpetteng ti RHU nga awan ti senyales nga adda ti foul play a napasamak ken ti biktima ken nalmes.
