LAOAG CITY -Inadmitir ni Brgy Chairman Romeo Cambilla iti Brgy. 21, Quiom idiay ciudad ti Batac nga agkurkurangen ti danum kadagiti pagtaengan.
Segun kenni Cambilla, masansan nga isu ti problema daytoy dagiti residente kangrunaan na iti panawen ti tikag.
Gapu iti nakaro nga epekto ti El Niño, kaadoan kadagiti residente ti mapmapan makisaksakdo iti kabangibang na nga ili tapno adda usaren da a danum.
Innayon pay ni Cambilla a manarimaan ti panagkutkut da ti abot a maaramid a bubon tapno masolbar ti problema dagiti residente babaen ti tulong ti lokal a gobierno iti nasao a ciudad.
