LAOAG CITY – Nagtalinaed pay laeng iti ospital ti biktima ti pannakadangran a ni Lovely Chllevyh Joy Marie Calumag babaen kenni Barangay Kagawad McVon Marcial Ramos, 44 iti Barangay 54-B, Camangaan ditoy ciudad ti Laoag.
Segun kenni Pol. Lt. Col. Mar Loiuse Bondoc, ti chief of police ti PNP-Laoag, naggapo iti pasken dagiti ti biktima ken ti am na a ni Lovejoy Calumag kasta met ti katungaan da ken idi mapan da itulod ti katungaan na ket agprobprobokar ti kagawad ken nakaiggem ti baseball bat.
Inbatad na a kinamat na pay ti katungaan na ken insaruno na pay a prinobokar ti pamilya na ken nagpangpangta ken iti panangiwasawas na ti baseball bat ket ti agtawen ti 10 a biktima ti natamaan.
Inlawlawag na a kalpasan daytoy ket ginandat na pay a pang-oren dagiti dadduma rason a nagkikinnamatan da iti lugar ken idi naikkan ti gundaway ket nagammatan na ti suspek ken ditoy a simmangpet dagiti barangay officials.
Kunana nga idi mapan na tulungan ti ama ti anak na a biktima ket ditoy met a nadungpar ti motorsiklo.
Naamoan a ti ama ti biktima ken ti suspek ket agkayong ken nakainom pay daytoy ti nasanger.
Innayon na a desidido ti pamilya ti biktima a mangipila ti kaso ken ikkan ti pagnakman ti nasao a suspek.
Kabayatanna, inpetteng ni Ramos a saan na nga inranta a pinang-or ti agtawen ti 10 a ni Lovely Chllevyh Joy Marie Calumag.
Segun kenni Ramos, bayat ti panangiwasawas na ti basball bat ket aksidente a natamaan ti biktima ken saan na a ninamnama a nakaro ti sinagaba ti ubing.
Naglikudan na pay a pinangtaan na ti ama a Calumag bo diket daytoy ti ummuna a nagpangta.
Inbatad na a nabayagen nga agtepteppel ngem masansanen a saan da nga agkinnaawatan mainaig iti sanikua.
Kunana a saan na a plano a dangrasn ti ubing ngem napikar isuna gapo iti maipagarop a panagsasao ti dakes ti ama ti biktima.
