LAOAG CITY – Insuko ti maysa a barangay official iti ili ti Badoc ti paltog na iti Philippine National Police (PNP).
Segun kenni Police Major Joseph Tayaban, ti chief of police iti nasao nga ili, malaksid iti opisyal ti barangay ket insuko pay ti maysa a residente ti paltog na.
Inlawlawag na a daytoy ket kas paset ti panangallukoy ti pulisya kadagiti addaan ti paltog na nga ipaima da kadagiti otoridad.
Kunana a daytoy ket tapno mapagtalinaed ti linak, urnos ken talna kangrunaan na ket umasideg ti Barangay ken Sang. Kabataan elections.
Mainaig iti daytoy, mangnamnama ti hepe nga iti sumarsaruno nga aldaw a maallukoy met laeng dagiti addaan ti paltog nga ipakustudiyar da iti pulisya.
