LAOAG CITY – Kinumpirmaran ni Barangay Chairman Danilo Guillermo iti Barangay Bubon iti ili ti Burgos nga adda ti maysa a barangay tanod ti nagpakamatay.
Segun kenni Guillermo, nakita ti bangkay ti biktima iti paset ti kusina da itay laeng 5:00 itay parbangon.
Inlawlawag na a datin a madakdakamat ti tanod kenkuana ken iti pamilya na ti panagpakamatay na.
Patien met ti kapitan a ti rason ti tanod a nagpakamatay ket ti nabayagen a sakit nga ulcer ken ti panagbalin na a primary contact iti nagpositibo iti covid-19.
Naamoan nga add ti gundaway a dinakamat ti biktima a mabuteng a dumalan iti swab test ken agpabakuna.
Innayon na nga addan ti ummuna a gundaway a ginandat ti biktima ti nagpakamatay.
