LAOAG CITY – Natay ti maysa a menor de edad kalpasan ti napasamak a desgrasya idiay Barangay Paltit, Badoc, Ilocos Norte.
Nabigbig ti biktima a ni Jebbro Asuten y Marquez, agtawen ti 16, awanan ti asawa, maysa nga estudyante ken residente iti nasao a barangay.
Segun kenni Police Major Artemio Clemente, ti OIC Chief of police ti ili ti Badoc, napan ti biktima ken ti ama na iti maysa a minatayan idiay Barangay Caraitan ken inbaon pay ti ama a sublyen na ti uliteg na iti Barangay Gerrata.
Nupay kasta, kuna ni Clemente a saan a nagsubli ken itay bigat ket binirok dagit nagannak kenkuana agingga a naamoan da ti report ti anak da ti biktima ti degrasya.
Inlawlawag na a kalpasan a naidungpar iti plant box nga adda iti igid ti kalsada ti biktima ket naidungpar pay iti poste a rason ti pannasugat ti ulo na a nangitunda ti pannakatay na..
Mainaig iti daytoy, manamnama a mapilaan ti kaso ti ama ti biktima gapo iti panangipalubos na nga agmaneho ti motosiklo ti menor de edad nga anak na.
