LAOAG CITY – Natay ti maysa a baro kalpasan a nagbekkel iti Barangay Barcelona, Solsona, Ilocos Norte.
Nabigbig daytoy a ni Julie Sina, agtawen ti 24, baro, tubo iti Ramon Magsaysay, Quezon City ngem agnanaed iti nasao a barangay.
Basar iti imbestigasyon, nakita ni Manny Alejandro, 58, residente iti nasao a barangay nga awanen ti biag ti biktima a nakabitin usar ti tali iti comfort room iti maysa a piggery.
Naamoan a ti biktima ket agsagsagaba ti depresyon gapo iti sakit ti bato ken dadduma pay a nakana a sakit a nangitunda ti panagpakamatay na.
Kabayatanna, kinumpirmaran ni Police Capt. Chris Anthony Sorsano, ti chief of police iti ili a Solsona nga adda ti inbati ti biktima a suicide note ken ditoy nga inbutaktak na ti nagbalin a kapadasan na idiay Manila a nakaalaan na ti nakana a sakit a maysa kadagiti sagsagabaen na.
