LAOAG CITY – Natay ti maysa a baro kalpasan ti pannakaidungpar na iti puon ti acacia iti Brgy. Suyo iti ili ti Dingras.
Basar iti Philippine National Police, ti biktima ket agtawen ti 27, awanan ti asawa, maysa a construction worker ken residente iti Brgy. Catangraran iti ili ti Solsona.
Iti imbestigasyon dagiti otoridad, rumrumuar a napaspas ti panagpataray ti biktima a nakalugan ti motorsiklo ken bayat nga agpalaud daytoy.
Nupay kasta, bayat ti panagpalaud na ket naidungpar iti puon ti acacia tree ken naipurwak iti kataltalonan. a nangitunda ti panagsagaba na ti sugat iti ulo.
Naiataray met iti Dingras District Hospital ti iktima ngem naideklara a dead on arrival babaen iti attending physician.
