LAOAG CITY – Natiliw ti maysa a lalaki kalpasan a maipagarop a nagtakaw ti VIVO cellphone iti Barangay 22 ditoy ciudad ti Laoag.
Nabigbig ti suspek a ni Rommel Manuel, agtawen ti 24, baro ken residente iti Barangay 14 ditoy ciudad ti Laoag idinto a ti biktima ket ni Alex Santos y Salvador, residente met iti Barangay 22 ti nasao a ciudad.
Iti inisyal nga imbestigasyon, napan pinasyar ni Manuel ti anak ti biktima a ni Claudine Santos, agtawen ti 22, balasang ken residente met laeng iti nadakamat a barangay.
Kabayatan ti kaadda ti suspek iti balay da Santos ket napan gimmatang ti biktima ti meryenda, ngem iti panagsubli na ket awanen ti cellphone na pakairamanan ni Manuel.
Iti panagsapol ti biktima ket nakita na ti suspek iti maysa a mall iti sentro ti ciudad ti Laoag, ken nagpatulong kadagiti otoridad.
Ginandat ti suspek ti agtaray ngem nadalapos na ti door frame ti PNP isut gapuna a natulid a nakatiliwanen dagiti otoridad.
Nupay kasta, kinumpirmaran ni Police Staff Sergeant Allan Medina a saanen a naisubli ti suspek ti cellphone gapu ta nailako nan daytoy.
