LAOAG CITY – Nagreklamo ti maysa a babai iti Philippine National Police iti ili ti Bacarra kalpasan a binakal ti maysa a lalaki ti nagluganan da a black ford kabayatan nga agpapa-amyanan da iti kalsada a paset ti Brgy 40, Buyon iti nasao nga ili.
Segun iti agtawen ti 45 a babai, nangiturong ti Ford, residente iti Brgy. 16, San Roque II iti ili ti Bacarra, kadwa na ti maysa a babai a negosyante ken ti anak na a lalaki idi napasamak ti insidente.
Kuna na a natamaan ti tawa iti passenger side ti lugan ngem saanna pay a masinunuo no mano ti balor daytoy.
Inpetteng na a kalpasan a binakal ti saanen a nainaganan a lalaki ti lugan na ket nagtaray a nagpalaud.
Inpasingked ti driver ti Ford a pursigido nga agpila ti reklamo kontra iti suspek, ken kunana a rumbeng nga isuna ti mangibaklay iti pangpatarimaan ti nadadael a paset ti lugan na.
