LAOAG CITY – Nakapidot ni Fragante Patoc Jr., agtawen ti 41, mangalap ti maysa a bloke ti shabu iti igid ti baybay iti Brgy. 32-B ditoy ciudad ti Laoag.
Segun kenkuana, mannarimaan ti panagala na ti kayo iti alas-nuebe ti bigat idinto nakatina ti pakete iti igid ti baybay iti nadakamat a lugar.
Inpagarup ni Patoc nga noodles ti nagian ti napidotna iso a pinigis na dagiti supot idinto a makitana a shabu ti napidotna ket dagos nga intedna daytoy iti biang ti barangay officials.
Basar iti inisial nga imbestigasion ket mapatta-patta nga agbalor ti bloke ti shabu iti P6,982,240.00 nga agdagasen ti 1026.8 grams.
Inbatad ni Brgy. Chairmain Rommel Asuncion iti Brgy. 33 – A Lapaz nga adda ti impormasion a naipadanon kenkuana nga adda ti napidut a bloke ti shabu.
Kinunana a nairana nga kaduana ti maysa kdagiti otiridad a nangkita iti nadakamat a bloke ti shabu no sadinnoo a nakumpirma a kapada daytoy kadagiti immunan a napidut a shabu iti dadduma nga ili ditoy probinsia ti Ilocos Norte.
Mainaig iti daytoy, ket insigida a timmawagda iti biang ti Philippine National Police ditoy ciudad ti Laoag tapnu ipakaammmo ti napidot nga banag.
Kabayatanna, naiget ti panangipalagip ti kapitan kadagiti residente iti nadakamat a lugar nga insigida nga ipakaammo kadagiti otoridad dagiti mapagduduaan banag.
