LAOAG CITY – Kinumpirmaran ni Bise Gobernador Cecilia Araneta Marcos nga adda ti maysa a Sangguniang Panlalawigan Member ditoy probinsya ti nagpositibo iti COVID-19.
Daytoy ket ni IN-C3777, lalaki, agtawen ti 61 ken residente ti Brgy. 10, Lacub iti Siudad ti Batac.
Segun ken ni Bise Gob. Marcos, namunganay ti panagpositibo ti virus ti bokal kalpasan nga adda ti ti nakapulapol na a positibo met laeng iti virus.
Inbatadna a sipod naamoan a primary contact ti kaduada nga agpanpanday linteg ket dagus a naipatungpal ti panag-isolate dagitoy bayat a maiyur-uray ti resulta ti RT-PCR test ti maseknan.
Inlawlawagna a ti maseknan a bokal ket asymptomatic wenno awan ti aniaman a sintomas a marikriknana ken immunan a nabakunaan ti COVID-19 vaccine itay kallabes.
