LAOAG CITY – Natiliw ti maysa a Barangay Kagawad ken maysa a tanod iti Barangay 50, Buttong ditoy ciudad ti Laoag babaen iti warrant of arrest gapo iti panaglabsing iti PD 1602 wenno Anti-gambling Law.
Nabigbig dagiti natiliw a da Barangay Kagawad Edwin Raymundo Coloma, agtawen ti 62, naasawaan ken ti tanod a ni Jefferslo Ucol Doctor, agtawen ti 30.
Ti warrant of arrest ket inparuk-at ni Presiding Judge Khristy Ahnn Queja Cac-Rivera iti MCTC, Branch 1, Laoag City, Ilocos Norte a napetsaan ti October 27, 2022.
Narekomendaran met dagitoy ti 30 a ribo a pisos a pyansa iti tunggal maysa para iti temporaryo a pannakawaya-waya da.
Iti agdama, dagiti dua nga akusado ket nagtalinaed iti kustudiyar ti PNP-Laoag.
Maipalagip nga immunan a natiliw dagiti maseknan gapo iti maipagagarop a pannakaipalubos ti operasyon ti drop ball kabayatan ti panag-fiesta ti barangay.
