LAOAG CITY – Kinumpirmaran ni Barangay Chairwoman Marie Rose dela Cruz iti Barangay Cabungaan-B ditoy ciudad ti Laoag nga adda ti maysa a tanod iti lugar da a ni Mr. Eugene Torda a nasuspenso iti uneg ti dua a bulan.
Ummuna iti daytoy, kuna ni Dela Cruz nga idi adda da iti barangay hall da ket nabwak da gapo ta kellaat a napan ni Torda a nakainum ken damagen na ti duty na.
Segun kenni dela Cruz, nagsao ti dakes ni Torda ken kunana nga awan ti kabutbuteng na uray siasinno man.
Mainaig iti daytoy, kuna pay ni Dela Cruz a napinpintas kuma no inbaga ni Torda ti kayat na nga schedule tapno saan a nakabasol ti nangiplastar iti schedule da.
Inbatad na a nagepekto ti pannakasuspenso ni Torda idi Abril 26, 2020.
Innayon na a kuna dagiti kakadwa na ket rumbeng na laeng a masuspenso ni Torda gapo kadagiti inubra na kas iti panaginom na ken ti panagprobokar na iti barangay hall da.
