LAOAG CITY – Kinumpirmaran ni PMaj. Eddie Suyat, ti hepe ti PNP-Paoay a maysa a businessman ti nangisuko ti paltog na.
Kuna na a daytoy ket kabayatan ti agtultuloy pay laeng a pannakaiyuswat ti Oplan Katok.
Binigbig na ti nangisuko ti paltog a ni Elisio Dumlao, agtawen ti 56, businessman ken residente iti Brgy. 1 iti nasao nga ili.
Inbatad ni Suyat a maysa a 12 gauge shotgun ti insuko ni Dumlao nu sadino a nag-expire daytoy idi Pebrero 5, 1997.
Mainaig iti daytoy, inpakaamo ti hepe a maipan iti crime laboratory ti INPPO ti nasao a paltog.
