LAOAG CITY – Natiliw ti maysa a lalaki kalpasan a naduktalan nga adda ti ikot na a paltog iti Barangay Bayog iti ili ti Burgos.
Ti saanen a nainaganan a lalaki ket residente iti Barangay Poblacion ken ikot na ti caliber 38 a paltog.
Segun kenni Police Senior Master Sergeant Darwin Macalma, naduktalan ti ikot a paltog ti lalaki kalpasan a nagresponde dagiti kameng ti PNP-Burgos iti pagtaengan ti dati a live in partner daytoy gapo iti panagriri dagitoy.
Inbatad na a napan dimmanon ti lalaki iti pagtaengan ti babai kalpasan nga adda dagiti saan da a nagkinnaawatan a nangrugi pay laeng idi adda iti sabali a pagilyan babai.
Rumrumuar a kalikagom ti lalaki ti makisinnublyanan isut gapo na a napan iti pagtaengan ti babai ngem ditoy met a nagriri da isut gapo na a nagresponde dagiti otoridad.
Kabayatanna, manamnama a mapilaan ti kaso ti nasao a lalaki ken agtultuloy ti imbestigasyon ti PNP tapno maamoan no sadinno ken siasinno ti nangalan ti maseknan ti ikot na a paltog.
