LAOAG CITY – Balligi a natiliw ti maysa a baro kalpasan ti naiyuswat a drug buy bust operation iti General Luna St., Barangay 2 ditoy ciudad ti Laoag.
Nabigbig ti natiliw nga isu ni Mr. Ammiel Luiz, agtawen ti 21, agtrabtrabaho kas call center agent ken residente iti Barangay 11 ditoy ciudad.
Segun iti impormasyon, ni Luiz ket naglako ti maipagarop a marijuana a naipan iti dakkel a supot ken ti buy bust money nga agbalor ti sangaribo a pisos.
Karaman pay a nakumpiskar ket ti nagluganan ni Luiz a motorsiklo na.
Mainaig iti daytoy, kuna ni Luiz nga ur-urnusen na laeng ti papeles na tapno makasubli a miembro ti Iglesia ni Cristo kalpasan a natiwalag.
Inbatad na a daytoy ti rason no apay nga adda ti nasao a barangay saan ket nga aglako ti maipagarop a marijuana ken awan ti kina-trantransaksyon na.
Inpetteng na a saan a pulos nga agus-usar wenno aglaklako ti droga ken nagkedked metten a mangipaay ti naan-anay a detalye wenno komento seknan iti pannakatiliw na.
