LAOAG CITY – Maysa ti natay ken tallo pay ti nasugatan kalpasan ti panagsuwek ti maysa a cargo plane iti asideg ti Vilnius airport iti Lithuania.
Ti Boeing 737, nga agop-operar para iti DHL babaen ti Spanish cargo airline a Swiftair, ket nagsuwek iti asideg ti maysa a balay nga ayan ti biktima ken dagiti nasugatan.
Malaksid iti daytoy, 12 a tattao ti naibakwit manipud iti nakapasamakan ti insidente ken inpasigurado met dagiti otoridad nga adda da iti natalged a kasasaad.
Kinuna met ti rescue services nga amin a nakalugan iti eroplano manipud Leipzig, Germany, ket na-account.
Iti agdama ket mannarimaan pay laeng ti imbestigasyon dagiti otoridad ti rason ti insidente.
