LAOAG CITY – Mabalin a marigatan ti 31-años a babai idiay China a magna iti intero a panagbiagna kalpasan ti nainget a panagdietama danum laeng ti ininumna iti 15 nga aldaw.
Naamoan a nakissayan ti 20 a kilo ti babai a taga Henan Province iti las-ud laeng ti dua a lawas. Manipud iti dati a timbangna a 70 a kilo, bimmaba iti 50 a kilo kalpasan a saan a nangan iti aniaman a solido a taraon iti kagudua a bulan.
Ngem ti napaspas a panagkuttongna ket dimteng a nakaro ti pannakagastosna iti salun-atna. Nangrugi daytoy a marigatan a magna ken nakapasar pay kadagiti parikut iti memoria.
Segun iti neurologist a ni Sun Guifang iti The First Affiliated Hospital ti Zhengzhou University, na-diagnose ti babai nga addaan iti Wernicke’s encephalopathy, maysa a nakaro a kasasaad ti utek a mabalin a gapuanan ti kinakurang dagiti nasken a bitamina ken sustansia.
Gapu iti daytoy nga insidente, adda dagiti Chinese netizens a mangaw-awag iti pannakaiparit ti social media ti content a manggutigot iti nalabes a panag-fasting ken dieting.
