LAOAG CITY – Inpakaammo ni Barangay Kagawad Benedict Roldan, iti Brgy. 17 San Francisco ditoy siudad ti Laoag a nangrugi ti lockdown iti paset ti barangay da kalpasan a naamuan da a nagpositibo ni IN-C101, customer service representative iti COVID-19.
Kuna na a saan a ti barangay da ti nailockdown ngem maysa laeng a compound ti partikular iti lugar ti maseknan.
Segun kenni Roldan, saan da a nakapulapol ni IN-C101 ngem possible dagiti miembro ti pamilya ti pasyente.
Naikiddaw kadagiti lumugar iti panangliklik a makikarruba da ken iti panagruwar iti pagtaengan da.
Isuda nga opisyal ti barangay ken barangay tanod ti mapan gumatang kadagiti kasapulan dagiti residente.
Innayon ni Roldan nga agdepende iti lokal a gobyerno ditoy siudad ti kapaot ti implementasyon ti lockdown iti maysa a compound iti nasao a barangay.
Inbunannag na a saan a pulos napan nagubra ni IN-C101 sipud idi naamuan na nga adda ti nagpositibo iti COVID-19 iti pagtrabtrabahoan na a call center iti ili ti San Nicolas iti kallabes wenno sakbay a rimwar ti resulta ti swab test na.
