LAOAG CITY – Maysa a construction worker a residente iti Brgy. 50 Buttong ditoy siudad ti Laoag ti nagpositibo iti Rapid Test.
Daytoy ti kinumpirmaran da Barangay Kagawad Randy Paulino, chairman ti committee on health kenni Mrs. Anabelle Miguel, barangay nurse scholar iti nasao a barangay.
Dagus a napan kinita dagiti maseknan ken naipan iti quarantine facility iti ili ti Bacarra bayat a maiyur-uray ti pannakaipadalan na iti swab test.
Naamuan ti Bombo Radyo manipud kadagiti maseknan a naipadalan iti rapid test ti construction worker gapu ta maysa a requirement iti contractor a pagpapaayan na gapu ta adda ti trabahuen da a pasdek iti siudad ti Batac.
Naipadalan ti maseknan iti rapid test idi Biernes ken rimwar ti resulta idi Sabado.
Naka-home quarantine ti pamilya ti construction worker iti agdama.
