LAOAG CITY – Balligi naarestar ti Philippine National Police ditoy ciudad ti Laoag ti maysa a construction worker babaen iti Anti-Illegal Drug Buy-Bust Operation kalpasan a naglako iti mapapati a dried marijuana leaves iti Bgry. 2 ditoy ciudad.
Nabigbig ti suspek a ni Jun Lester Baliscao, agtawen ti 26, addaan iti live in partner, construction worker ken residente iti Brgy. Cabungaan-A ditoy ciudad ti Laoag.
Nakumpiskar manipud iti suspek ti dua a maipagarup a dried marijuana leaves, maysa a mapapati a dried marijuana leaves a nailako iti polis a nagpammarang kas poseur buyer ken P1,000 kas buy-bust money.
Mainaig iti daytoy, nakumpiskar pay manipud iti suspek ti motor a Honda Click 125, maysa a cellphone ken maysa a lighter.
Kabayatanna, nagtalinaed iti kustodiar ti Philippine National Police ditoy siudad ti Laoag ti nadakamat a suspek.
