LAOAG CITY – Ballaigi a naarestar ti Philippine National Police iti ili ti San Nicolas ti maysa a construction worker babaen iti naisayangkat nga Anti-Illegal Drug Buy-Bust Operation iti Brgy. 13 iti nadakamat nga ili.
Nabigbig ti suspek a ni Sherwin Molina y Salvador, agtawen ti 48, addaan ti live in partner, construction worker ken residente iti Bgry. 13 iti ili ti San Nicolas.
Naarestar ti suspek babaen iti maipagarup a naglako ti mamapati a shabu iti nagpammarang a police poseur buyer.
Nakumpiskar manipud iti suspek ti dua a heat sealed plastic sachet a mapapati a shabu ken buy-bust money nga a P4,000.
Segun kadagiti otoridad a drug surrenderee idi tawen 2016 ti suspek ken immunan a natiliw babaen met laeng iti naisayangkat nga Anti-Illegal Drug Buy-Bust Operation idi tawen 2003 no sadinno a naibalud daytoy iti Ilocos Norte Provincial Jail a nagpaut iti maysa a tawen ken 6 a bulan.
Segun ken ni Molina ket na aquitted dagiti nagbalin a kasona ken agnanaed isuna iti pagtaenganna gapu ta tinilawan isuna ti misisna.
Kabayatanna, mannaramiaan ti panagimbentaryo dagiti kameng ti Philippine National Police iti ili San Nicolas kadagiti nakumpiskar manipud iti suspek.
