LAOAG CITY – Nasugatan ti maysa a construction worker gapo iti naiwawa a kwitis iti Brgy. 1 San Lorenzo, ditoy siudad ti Laoag.
Nabigbig ti biktima ti paputok a ni Jayson Domingi Nopia, agtawen ti 41, naasawaan ken residente iti n asao a barangay.
Iti imbestigasyon dagiti otoridad, napasamak ti insidente, sumagmamano nga oras sakbay ti baro a tawen.
Rumrumwar a nagsindi iti kwitis ti pagayam na ngem dita a sabali ti tinurong na ken bimtak iti buksit ni Nopia.
Nagsagaba ti maseknan iti sangkabassit a sugat wenno apagapaman a nasinit ti buksit na.
Naipan met iti Governor Roque Ablan Sr. Memorial Hospital ni Nopia ken dagus a nataming ti sugat na.
