LAOAG CITY – Natay ti maysa a construction worker kalpasan a nadesgrasya bayat a nakamotorsiklo iti Batac-Marcos Road, bisinidad ti Barangay Camandingan iti ciudad ti Batc.
Segun kenni Police Lt. Col. Adrian Gayuchan, ti chief of police ti Philippine National Police iti ciudad ti Batac, ti biktima ket agtawen ti 23, awanan ti asawa ken residente iti nakadamat a barangay.
Inbatad na nga iti imbestigasyon da, bayat a nakamotorsiklo iti nasao a paset ti kalsada ket nadiskarkulo na ti panagmaneho agingga a naitupar ti ulo na iti semento.
Naamoan nga adda ti concern citizen a nangitaray iti biktima iti Mariano Marcos Memorial Hospital and Medical Center iti nasao a ciudad ngem naideklara a dead on arrival.
Kabayatanna, naamoan a ti biktima ket saan a nakasuot ti helmet ket adda iti impluwensya ti nasanger.
