LAOAG CITY – Pimmusay ti maysa a lalaki kalpasan a nadesgrasya iti national highway bisinidad iti Brgy. Pasiocan iti ili ti Bacarra.
Nabigbig ti biktima nga agtawen ti 41, construction worker ken tubo iti Ballesteros, Cagayan ngem agdama nga agnanaed iti Brgy. Nalupta iti siudad ti Batac.
Basar iti imbestigasyon ti PNP-Bacarra, agpapaamianan a direksyon ti biktima a nagiturong iti mortorsiklo.
Nu pay kasta, apaman a nadanon na ti kurbaan a paset ti kalsada nagderderetso iti poste nga asideg ti arko iti Brgy. Pasiocan.
Gapu iti daytoy, naitama ti ulo na iti poste ken nagsaba ti nakana a sugat nga isu met ti puon ti dagus a pannakatay na.
Rumrumuar nga idi rabii ket nagpakada ti biktima nga agawid iti probinsya ti Cagayan ken naamoan laengen ti pamilya na a nadegsraya itay nasapa a bigat.
Naamoan nga adda iti impluwensya ti nasanger ti biktima idi napasamak ti desgrasya.
