LAOAG CITY – Natay ti maysa a lalaki kalpasan a nalmes iti Gussod Falls iti paset ti Barangay Sta. Catalina iti ili ti Pasuquin.
Nabigbig daytoy a ni Edelmar Alvarado, agtawen ti 39, addaan ti live-in partner, maysa a construction worker, tubo iti Ballesteros Cagayan ngem agnanaed iti Barangay Tubburan iti ili ti Bacarra.
Segun iti Philippine National Police iti ili ti Pasuquin, napan nagdidigos ti biktima ken dagiti papagayam na ken naggi-inom da iti tuktok ti falls ngem naigalis a rason ti panagkaregreg na.
Gapo iti daytoy, naitupar ti ulo ti biktima iti bato agingga a nalmes.
Naitaray iti Rural Health Unit iti ili ti Pasuquin ti biktima ngem naideklara a dead on arrival ken ti rason ti pannakatay na ket drowning secondary to head trauma ti consider cervical/neck fracture.
