LAOAG CITY – Pimmusay ti maysa a construnction worker, kalpasan a nalmes iti Paoay Lake nga asideg ti Brgy. Nagbacalan iti ili ti Paoay, idi laeng Abril 14.
Nabigbig ti biktima a ni Jhonny Buduan Bagasol, addaan ti live-in partner, construction worker, ken residente iti Brgy 22 Nagbacalan, Purok Inannama, iti nasao nga ili.
Segun iti naisayangkat a imbestigasion iti Bureau of Fire Protection iti nadakamat nga ili ket sakbay a napasamak ti insidente ket napan ti biktima iti piknik ken panaglangoy iti nasao nga ili a kadua na dagiti katrabahuanna idinto a kalpasan ti sumagmamano nga oras, nagsardeng ti kadua ti biktima nga aglangoy tapnu mangngaldawda, ngem nagkedked ti biktima no sadinno nga intuloy na ti naglangoy agingga a natakuatan daytoy a nalmes.
Gapu iti daytoy, dagos a nagresponde dagiti kameng ti Paoay Municipal Police Station, pakairamanan ti Rural Health Unit ken Bureau of Fire Protection iti nasao nga il iiti naipadamag a Drowning incident iti nadakamat a lugar.
Kabayatanna, naideklara ni Dr. Cherry Mae Pamo, mangidadaulo ti Rural Health Unit iti Paoay a natayen ti biktima gapu iti pannakalmesna.
