LAOAG CITY – Nagballigi dagiti otoridad a nangarestar iti maysa a dentista iti Barangay 23, San Matias ditoy ciudad ti Laoag gapu iti kaso nga estafa.
Daytoy ti inpakaammo ni Police Staff Sergeant Seymour Belarmino iti Philippine National Police ditoy ciudad ti Laoag.
Segun ken ni Belarmino, ti suspek ket maysa a babai, agtawen ti 47, ken taga Sitio 2, Brgy. Juan iti ili ti Solsona.
Naarestar ti suspek babaen ti bileg ti warrant of arrest nga inparuk-at ni Presiding Judge Jeanylene Tolentino Isip- Fukai iti 1st Judicial Region, MTCC Branch 5,Baguio City Benguet a napetsaan ti Enero 26, 2026 gapu iti panaglabsing ti Article 315 ti Revised Penal Code wenno Estafa.
Nairekomendar ti 18 ribo a pisos a piyansa ti suspek para iti temporaryo a pannakawaya-waya na.
