LAOAG CITY – Pabor ti maysa a driver iti pampasahero a jeep iti inlungalong iti Land Transportation and Regulatory Board (LTFRB) a Fare adjustment system.
Iti babaen ti nasao a sistema ket no maipangato ti presyo ti krudo ket otomatiko metten a manayunan ti plete kadagiti pampasahero a jeep.
Inbatad ni Mr. Lito Coloma, driver ti pampasahero a jeep nga addaan iti rota a Laoag-Batac-Paoay, napintas unay ti sistema para kenkuana.
Pabor met ni Coloma a no maipababa ti presyo ti krudo ket rumbeng na laeng nga ipababa da met nukuan ti plete, ken maipangato met ti plete no ngumina ti presyo ti nasao a produkto.
Nupay kasta, saanen a nakaited ti komento ni Coloma iti possible a pannakaparnuay ti saan a panagkikinnaawatan dagiti driver ken pasahero no maipatungpal ti kalikagom ti LTFRB.
