LAOAG CITY – Natay ti maysa a Filipino sailor kalpasan a rinaut dagiti rebelde ti Yemen Houthi ti bulk cargo carrier nga M/V Tutor idi napan a lawas.
Gapu iti daytoy ket kinondernar ti White House dagiti Houthi a supsuportaran ti Iran gapu iti panangirugi da iti drone ken missile strike kadagiti shipping zones ti Red Sea ken Gulf of Aden sipud pay idi Nobiembre, kas panagibales iti gubat ti Israel-Hamas.
Segun iti pannakangiwat ti National Security Council a ni John Kirby, ti Filipino seaman a napapatay ket adda iti M/V Tutor, maysa a barko nga addaan iti bandera ti Liberia, a kukua dagiti Griego.
Iti met palawag ti British Navy, naarineb-neb ti barko ken nabaybay-an kalpasan a nadungpar daytoy kadagiti sea drone.
Kinuna pay ni Kirby a maysa a tripulante ti Sri Lanka ti nakpasar ti nakana a sugatan gapu iti sabali pay a panangraut dagiti Houthi idi Hunyo 13 iti M/V Verbena, no sadinno a ti barko ket Palauan-flagged, Ukrainian-owned, ken Polish-operated ship.
Malaksid iti pannakatay ti Filipino sailor, ket 21 pay a Filipino crewmen ti nakalugan iti M/V Tutor ken natalgedda a naispal.
