LAOAG CITY – Positibo ti naiyuswat a searcr warrant operation iti Brgy Cacafean, Marcos Ilocos Norte.
Nabigbig ti subject ti operasyon a ni Mark Jay Antonio y Batac, agtawen ti 31, addaan ti live-in partner, maysa a mannalon ken labourer ken residente iti nadakamat a barangay.
Ti search warrant ket inparuk-at ni Hon. Jacinto Merin Dela Cruz, Executive Judge RTC Branch 33, Bauang, La Union kontra kenni Antonio gapo iti panaglabsing iti RA 10591 a napetsaan ti Agosto 16, 2022 ken nailanad iti daytoy ti maysa a caliber 9mm.
Inpatungpal met ti nagtitipon a pwersa ti PNP-Marcos babaen iti panangidaulo ni Police Captain Jonevale Maramag, 101st Maneuver Company ken RMFB1.
Nakumpiskar iti operasyon ti maysa a caliber 9mm nga addaan ti magazine ket loaded iti pito a live ammunion; maysa a lower receiver ti kalibre 45 a paltog, maysa a hand grenade, walo a pidaso a bala ken maysa nga sling bag.
Segun kenni Maramag, namunganay ti operasyon gapo kadagiti impormasyon nga adda ti bitbit ni Antonio a paltog rason anga inpila da ti search warrant kontra iti daytoy.
Inbatad na a nabayag metten a sipsiputan ti PNP ni Antonio.
Kinumpirmaran pay ni Maramag nga idi adda da iti pagtaengan ni Antonio ket adda ti inpurwak ti ina ti subject a parte ti kalibre 45 a paltog iti likod a paset ti balay da.
Naiget met a naglikudan daytoy ti ina ngem inpetteng ni Maramag a nakita a mismo dagiti pulis.
Agpapan maisursurat ti damag, kuna ni Maramag a birbiruken da no sadinno ti nangibellengan ti subject ti upper receiver ti nasao a paltog.
