LAOAG CITY – Adda iti narekobre a granada iti kataltalunan iti Barangay Davila iti ili ti Pasuquin kalpasan ti iduduprak ti Super Typhoon Nando.
Daytoy ti inbatad ni Police Lt. Col Michael Bautista, ti pannakangiwat iti Ilocos Norte Police Provincial Office.
Segun ken ni Bautista, nakaawat ti report ti Philippine National Police nga adda ti maysa a mannalon a nakakita ti granada iti kataltalunan bayat iti papanna koma panangbisita kadagiti mulana a pagay.
Kuna na nga insigida a nagresponde dagiti otoridad iti lugar ket ditoy a naamoan da a ti granada ket nabiit pay a naikabil iti kataltalunan.
Gapu iti daytoy, inbilin ni Bautista ti pnnakaiyuswat ti naun-uneg nga imbestgasyon seknan iti nasao a pasamak.
