LAOAG CITY – Ginutigut ti maysa a grupo a binukel dagiti kaalyado ni dati a Presidente Rodrigo Duterte ni Vice President Sara Duterte nga idauluan dagiti aktibidad ti Hakbang ng Maisug ita ta saanen a paset isuna iti Gabinete ni Presidente Ferdinand Marcos Jr.
Inaramid ti grupo ti awag kalpasan nga inladawan ti oposision a Tindig Pilipinas ti Bise Presidente a kas “no champion of democratic opposition” gapu iti panagulimekna kadagiti isyu seknan kadagiti aktibidad ti China iti West Philippine Sea ken dadduma pay a banag.
Iti statement nga inruar ni Hakbang ng Maisug, kinuna ti grupo a suportaranda ti desision ni Vice President Sara kas maikadua a kangatuan nga opisial iti pagilian.
Kinunana a ti Bise Presidente ket adda met iti posision a mangidaulo iti timek dagiti umili kontra kadagiti panagabuso ti administrasion ni Marcos ken tapno malapdan ti panagraira ti gubat.
Maipalagip a nabukel ti movement idi Enero no sadinnpo a napasamak ti rally idiay Davao City kas panangbigbig iti naipasdek a Bagong Pilipinas a rimsua kas maysa a political counterforce ti agdama nga administrasion.
