LAOAG CITY – Kinumpirmaran ni Fire Supt. Floro Obrero, ti Provincial Fire Marshall ti Bureau of Fire Protection (BFP) nga adda ti nagpositibo iti COVID-19 a maysa a personnel a nakadestino iti ili ti Paoay ken taga probinsya ti Ilocos Sur.
Segun kenni Obrero, naudi a duty ti personnel idi Marso 29 ken nagawid iti ili ti Caoayan idiay Ilocos Sur.
Idi naamoan ti lokal a gobiernio ti Caoayan ket dimmalan ti swab idi Abril 4 ken rimwar ti positibo a resulta idi Abril 7.
Iti pannakisarita na iti Fire Senior Inspector Claire Simbol, Fire Marshall ti BFP-Paoay, dimmalan metten iti swab test dagiti amin a personnel iti nasao nga ahensya.
Mainaig iti daytoy, kuna ni Obrero a dagiti dimmalan iti swab test a BFP personnel iti ili ti Paoay ket naka-quarantine iti nasao nga fire station.
Mangnamnama ni Obrero a negatibo ti resulta ti swab test dagiti nadakamat a personnel.
