LAOAG CITY – Naglikudan ni Mr. Albert Miguel, maysa a kameng ti Civil Security Unit (CSU) ditoy ciudad ti Laoag a nagkiddaw ti kwarta iti maysa nga stall owner iti babaen ti rangtay iti napalabas nga aldaw.
Segun kenni Miguel, ti lima ribo a pisos nga adda kenkuana ket insubli na.
Naamoan a napasamak daytoy bayat ti papan ni Miguel iti pwesto ti stall owner ken naibaga na nga addan to met ti discount na gapo ta tinulungan na ti maseknan a makaala ti pwesto na.
Inbatad na a ditoy metten nga inyawat ti stall owner kenkuana ti lima a ribo a pisos ngem saan na a ginastos ken insubli na met laeng daytoy.
Ummuna iti daytoy, adda ti report a ni Miguel ket adda iti impluwensya ti nasanger idi nagturong iti pwesto ti maseknan ken maipagarop a dimmawat ti kwarta ken ti rumrumuar a rason ket maibunong kadagiti dadduma a Civil Security Unit personnel, banag a naglikudan na.
