LAOAG CITY – Inbatad ni PMaj. Eddie Suyat, ti hepe ti PNP-Paoay a maysa a kameng ti nasao a kapulisan ti biktima ti desgrasya iti national highway, bisinidad ti Brgy. Bacsil iti nasao nga ili.
Binigbig ni Suyat ti pulis kas maysa a Police Senior Master Seargent.
Segun ken ni Suyat, naggapo ti naggapo ti pulis a nangiyuswat ti security survey iti Brgy. Nagbacalan ti pulis ken agsubli iti stasyon da idi napasamak ti insidente.
Inbatad na nga apaman nga agpapaabagatan a direksyon ti pulis ket kellat nga adda ti limmasat nga aso ket isu ti liniklikan na.
Gapu iti daytoy, naawanan ti kontrol iti manibela rason a nagderderetso ken nagbalbaliktad agingga a naidungpar iti alad ti maysa a pagtaengan.
Kabayatanna, kuna ni Suyat nga agtultuloy ti panagpalaing ti pulis kalpasan a nasugsugatan ken maiyur-uray ti resulta ti breath alocohol test daytoy.
