LAOAG CITY – Inreklamo ni Mr. Ismael Sese Jr. iti Barangay Chairman George Ceasar Palafox, agtawen ti 44, naasawaan ken residente iti Barangay 1, San Francisco iti ili ti San Nicolas.
Daytoy ket gapo iti maipagarop a panagkarkarit ti kapitan kenni Sese ken kunana a saan da a kabaelan a labanan ti opisyal gapo ta saan pay a nabalod.
Malaksid iti daytoy, maipagarop nga inpakita pay ti kapitan ti sungo ti paltog na.
Segun kenni Sese, ti laeng insungbat na iti kapitan ket agkita da iti husgado ken kalpasan daytoy ke inreport na iti pulisya ti pasamak.
Inlawlawag ni Sese a ni Palafox ket kimmarit gapo iti maipagarop a kaso da iti agdama seknan iti nabagkong nga ikit da iti kallabes.
Rumrumwar pay a ti kapitan a mismo ti napan dimmanon iti ayan ni Sese.
Inpetteng ni Palafox a nagsarita da laeng kenni Sese ken awan ti kinarkarit na ken saan a nangipakita ti paltog gapo ta ammo na a maipairit ti nasao a banag.
Nupay kasta, saan nan a kinayat nga inbatad ti rason no apay a maipagarop a kinarit na ni Sese.
