LAOAG CITY – Emosyunal ni Mr. Henry Basilio a nangistorya ti maipagarop a pannakaharass na babaen kenni Barangay Chairman Romulo Bartolome iti Barangay Nangalisan-B ditoy ciudad ti Laoag.
Naamoan a ti sinuportaran na a partido iti kalepleppas nga eleksyon ket ti grupo ti nangabak a Mayorditoy ciudad idinto a ti kapitan ket ti agdama nga administrasyon.
Segun kenni Basilio, sakbay ti eleksyon ket kinasarita ni Bartolome ti kabsat ni Basilio a maysa laeng kadakuada ti mangbutos iti Incoming Mayor.
Inlawlawag na a kalpasan ti eleksyon ket ditoy a napasamak ti maipagarop a panangharass ni Bartolome kenkuana babaen ti pananglayat-layat na, nabagaan ti traydor ken nag-dirty finger ti kapitan.
Patyen ni Basilio a ti laeng kalepleppas nga eleksyon ti rason ti pasamak gapo met laeng kadagiti balikas ni Bartolome.
Kunana a kalpasan daytoy ket napan na inpa-blotter ngem naisubli iti barangay ngem agpangadua ni Basilio gapo ti mismo kapitan ti irekreklamo na ken saan na nga ammo no siasinno ti mangtratar.
Innayon na nga atapen pay ni Bartolome a lumaban to isuna iti kina-kapitan ngem inpasingked na nga awan ti plano na para iti daytoy.
Kabayatanna, inadmitir met ni Bartolome a kinasarita na ti council na a no mabalin ket mabingay ti butos da gapo ta kalikagom na nga awan ti agriri iti nasao a barangay mainaig ti kalepleppas nga eleksyon.
Segun kenni Bartolome, idi dinamag na kenni Basilio no kasano ti inaramid na ket maipagarop nga inadmitir ti maseknan nga idi nagibunong isuna ket inawat met dagiti kabarangayan nga isu met ti kinagura na.
Inpetteng na a saan da a nakibiang nga opisyal ti barangay seknan iti kwarta ngem nagtutulag da laeng a mabingay ti butos.
Aminado isuna a saan a mabalin a maibaga no siasinno ti rumbeng nga ibutos ti maysa a botante ngem kunana a ti laeng insarita na ket no mabalin a mabingay.
Barangay Chairman Romulo Bartolome
Mainaig iti daytoy, naglikudan met ni Basilio nga adda ti inadmitir na iti kapitan nga adda ti inbunong na a kwarta.
