LAOAG CITY – Namulta ti maysa a karinderia ditoy siudad ti Laoag gapu iti panagusarna ti styrofoam a pagianan dagiti lakoda a taraon.
Inbatad ni Ms. Mylene Pascual, mangidadaulo ti City Environment and Natural Resources Office ditoy siudad ti Laoag.
Inlawlawagna a naiget a maipawil ti panagusar ti sytrofoam a pagianan dagiti taraon iti maysa a karinderia.
Kunana a ti maysa a karinderia ket panganan a nadalos ket no narugit iti pangipanan ti makan ket mabalin a makaala ti sakit iti maysa a tao nangruna iti stryofoam ket maibilang kas toxic waste.
Mainaig iti daytoy, nagkiddaw ni Pascual kadagiti addaan ti karinderiana ditoy siudad a makikooperar tapno saan dagitoy a mamulta.
Kabayatanna, kunana a ti multa iti 1st offense ket tallo a ribu a pisos, 2nd offense ket uppat a ribu a pisos ken tallo a bulan a pannakaiserra ti karinderiada idinto a ti 3rd offense ket lima a ribu a pisos ken maibabawi ti business permit-na.
