LAOAG CITY – Mangididiaya ti maysa a klinika iti dakkel a mall ditoy siudad ti Laoag ti nagduduma a medical approach para kadagiti pasienteda.
Segun ken ni Dr. Messaia Dumaoal Jimeno, malaksid iti medical aesthetics ket mangididiaya pay ti klinikada ti anti-fungal treatment kas ti plasma treatment, photodynamic therapy ken dadduma pay.
Inbatadna a kas Age Management Specialist ket masapul a mapnek dagiti pasienteda a dumaldalan iti nagduduma a treatment nga ididiayada tapno agsubli met laeng dagitoy iti klinikada.
Kunana a gapu iti panagtulid ti moderno a teknolohia ket gimmatangdan kadagiti baro a medical equipment nga usarenda iti klinikada.
Innayonna a dumaldalan ti nagduduma a panagsanay dagiti staff-na tapno maipasigurado a napintas ti agbalin a resulta ti panagtrabaho dagitoy.
