LAOAG CITY – Naarestar ti maysa a kundoktor iti naiwayat a drug buy-bust iti ili ti Currimao.
Ti suspek ket agtawen ti 24, addaan live-in partner, konduktor, ken residente ti siudad ti Batac.
Daytoy ket naarestar iti babaen ti panagbibinnulig ti Currimao Municipal Police Station kas lead unit, Philippine Drug Enforcement Agency – Ilocos Norte Police Provincial Office (PDEA-INPPO), Police Intelligence Unit – Ilocos Norte Police Provincial Office (PIU-INPPO), ken nagduduma pay nga ahensia.
Basar kadagiti otoridad, ti suspek ket naglako ti maipagarup nga illegal a droga iti nagpammarang a police poseur buyer.
Nakumpiskar manipud ti suspek ti 1 a gramo ti maipagarup a shabu nga addaan balor a PhP6,800.00 a nakaipan ti 4 a heat-sealed transparent plastic sachet.
Mainaig iti daytoy, naala pay manipud ti suspek ti 1 a genuine PhP1,000.00 kas boodle money, 1 a black Honda Click motorcycle, ken nagduduma pay a ramit.
Iti agdama, manamnama ti pannakaisagana dagiti dokumento para iti pannakaipila ti kaso a panaglabsing ti Sections 5 and 11, Article II of RA 9165 wenno wenno Comprehensive Dangerious Drugs Act of 200 a maipila konta iti suspek.
